Viltu gefa gjöf sem hjálpar vannærðum börnum? Þá er þetta það sem þú leitar eftir. Með því að gefa næringarmjólk veitir þú börnum sem þjást af alvarlegri vannæringu lífsnauðsynlega hjálp. Vannæring er alltof algeng og verður fljótlega lífshættuleg fyrir ung börn. Hana má hins vegar bæði koma í veg fyrir og meðhöndla. 

Næringarmjólkin er orkurík þurrmjólk sem inniheldur nauðsynleg kolvetni og fitu, auk allra vítamína og steinefna sem börn þurfa til að vaxa og dafna. Hún var sérstaklega þróuð til að meðhöndla allra veikustu börnin á næringarmiðstöðvum og sjúkrahúsum. Næringarmjólkin er lífsnauðsynleg fyrir þau börn sem eru orðin of máttfarin til að innbyrða fasta fæðu. 

Í pakkanum sem þú getur keypt eru 6 skammtar af næringarmjólk sem samtals verða að 3,6 lítrum af vökva. Gjöfin þín getur þannig hjálpað fjölmörgum börnum á stundu þegar engan tíma má missa.