Vannæring er lífshættuleg og árlega látast ótal börn af hennar völdum. Góðu fréttirnar eru að hana má bæði auðveldlega koma í veg fyrir og meðhöndla. 

Vítamínbætt jarðhnetumauk gerir kraftaverk fyrir vannærð börn. Maukið hefur raunar valdið byltingu í meðferð við vannæringu. Það er tilbúið til neyslu beint úr pakkanum sem minnkar alla smithættu verulega. Auk þess þarf ekki að blanda það með vatni sem er mikill kostur. Óhreint vatn gerir börn enn veikari en ella. Jarðhnetumaukið inniheldur öll nauðsynleg næringarefni, vítamín og steinefni. 

Án meðhöndlunar láta vannærð börn auðveldlega lífið. Fái þau meðferð lifa langflest þeirra hins vegar af. Í flestum tilfellum þurfa börn einungis þrjá pakka af vítamínbættu jarðhnetumauki á dag í fáeinar vikur til að ná fullum bata.