Við þriggja mánaða aldur fara börn í sína fyrstu bólusetningu, meðal annars við stífkrampa og mænusótt. Á nokkurra mánaða fresti fá þau svo enn fleiri bólusetningar sem koma í veg fyrir alvarlega sjúkdóma og hindra farsóttir. 

Bólusetningarnar eru afar mikilvægar, þær veita börnum vernd og eru ein öruggasta leiðin til að koma í veg fyrir að þau smitist af hættulegum sjúkdómum. 

Þessa sönnu gjöf er því tilvalið að gefa í nafni ungra barna sem þig langar að bjóða velkomin í heiminn og eru að fara í sínar fyrstu bólusetningar. 

Með gjöfinni leggur þú líka þitt af mörkum og tekur þátt í að útrýma hættulegum smitsjúkdómum á borð við stífkrampa og mænusótt.